నేపియర్ వేదికగా మూడు టీ20 మ్యాచ్ మంగళవారం మధ్యాహ్నం జరిగింది. ఇందులో తొలుత బ్యాటింగ్ చేసిన ఆతిథ్య న్యూజిలాండ్ జట్టు 19.4 ఓవర్లలో 160 పరుగులు చేసింది. ఆ తర్వాత భారత బ్యాటింగ్‌కు దిగింది. కానీ, భారత్ బ్యాటింగ్‌లో వర్షం అడ్డుతగిలింది.
161 లక్ష్య ఛేధనలో భారత్ 9 ఓవర్లలో 4 వికెట్లకు 75 పరుగులు చేసింది. ఆ దశలో భారీ వర్షం కురవడంతో మ్యాచ్ ఆగిపోయింది. ఈ మ్యాచ్‌లో భారత్ గెలవాలంటే 66 బంతుల్లో 86 పరుగులు చేయాల్సిన తరుణంలో వర్షం కారణంగా మ్యాచ్ ఆగిపోయింది. అప్పటికే భారత కెప్టెన్ హార్దిక్ పాండ్యా (30 బ్యాటింగ్), దీపక్ హుడా (9 బ్యాటింగ్) క్రీజులో ఉన్నారు.
