టీమిండియా కెప్టెన్ విరాట్ కోహ్లీపై విమర్శలు వెల్లువెత్తుతున్నాయి. ప్రస్తుతం ట్విట్టర్లో యాక్టివ్‌గా వుంటూ మస్తుగా ఫాలోవర్స్‌ను సంపాదించిపెట్టుకున్న భారత మాజీ డాషింగ్ ఓపెనర్ వీరేంద్ర సెహ్వాగ్ విరాట్ కోహ్లీని ఏకిపారేశాడు. మైదానంలో కోహ్లీ ఎన్నో తప్పులు చేస్తున్నాడని.. మైదానంలో కానీ, డ్రెస్సింగ్ రూమ్‌లో కానీ కోహ్లీ చేస్తున్న పొరపాట్ల గురించి వేలెత్తి చూపే ఒక్క ఆటగాడు కూడా లేడని తెలిపాడు.
మాస్టర్ బ్లాస్టర్ సచిన్ కూడా కెప్టెన్‌గా ఉన్నప్పుడు అతనిలా ఎక్కువ పరుగులు చేయాలని అడిగేవాడని.. తనలా వేగంగా ఎందుకు రన్స్ చేయడం లేదని ప్రశ్నించేవాడని కోహ్లీ గుర్తు చేశాడు. డ్రెస్సింగ్ రూమ్‌లో కోచ్‌ల సలహాలు తీసుకుంటున్న కోహ్లీ, మైదానంలో వాటిని అమలు పరచడం లేదని అన్నాడు. ఒక్కరి కష్టంతో విజయం కుదరదని.. జట్టు సభ్యులంతా సమిష్టిగా కృషి చేయాలని సెహ్వాగ్ వ్యాఖ్యానించాడు.
