జింబాబ్వే క్రికెట్ జట్టుకు చెందిన మాజీ బౌలర్ ఒకరు ఇపుడు పెయింటర్‌గా మారు. ఆయన పేరు హెన్రీ ఒలోంగా. ఈ పేసర్‌ను క్రికెట్ అభిమానులు అంత త్వరగా మర్చిపోలేరు. మాస్టర్ బ్లాస్టర్ సచిన్ టెండూల్కర్ చేతిలో చావుదెబ్బ తిన్నాడు. 1998లో జరిగిన జింబాబ్వే, శ్రీలంక, భారత్ ట్రై సిరీస్ ఫైనల్ ఒలోంగా బౌలింగ్‌ను సచిన్ ఊచకోత కోశాడు.
ఈ మ్యాచ్ కేవలం 92 బంతుల్లోనే 124 రన్స్ చేశాడు. ఇందులో ఎక్కువ పరుగులు ఒలోంగా బౌలింగ్ వచ్చినవే. ఈ మ్యాచ్‌లో మనోడు 6 ఓవర్లు వేసి, ఏకంగా 50 పరుగులు సమర్పించుకున్నాడు. ఇలా అప్పటివరకు స్టార్ పేసర్‌గా ఉన్న ఒలోంగాను సచిన్ ఓ ఆట ఆడుకోవడంతో అభిమానులకు ఈ పేసర్ బాగా గుర్తుండిపోయాడు.
ఇప్పుడు సరిగ్గా పాతికేళ్ల తర్వాత హెన్రీ ఒలోంగా క్రికెట్ గ్రౌండ్‌లో పెయింటింగ్ చేస్తూ కనిపించాడు. అడిలైడ్‌ భారత్, ఆస్ట్రేలియా మధ్య జరిగిన రెండో టెస్టులో ఇలా ఒలోంగా పెయింటర్ దర్శనమిచ్చాడు. అయితే, అతను సామాజిక కారణాల కోసం ఇలా పార్ట్-టైమ్ పెయింటర్‌గా మారినట్లు తెలుస్తోంది.
ప్రస్తుతం ఒలోంగా ఆస్ట్రేలియాలోనే స్థిరపడ్డాడు. అక్కడి అమ్మాయినే పెళ్లి చేసుకున్న అతడు, ఇద్దరు పిల్లలతో హ్యాపీగా ఉన్నట్లు స్పోర్టర్ అన్నాడు. తనకు ఆస్ట్రేలియా అంటే చాలా ఇష్టమని కూడా చెప్పాడు. తాను ఎప్పుడూ వెరైటీని ఇష్టపడతానన్న ఒలోంగా.. ఒకే పనిని ఎక్కువ కాలం చేయడం తనకు విసుగు తెప్పిస్తుందని చెప్పుకొచ్చాడు. అందుకే అప్పడప్పుడు ఇలా కొత్తకొత్త పనులు చేస్తుంటానని తెలిపాడు.
