ఏపీలోని విశాఖపట్టణంలో దారుణం జరిగింది. తల్లిదండ్రులకు తెలియకుండా ఇంట్లోని బంగాలు ఆభరణాలు, నగదును తన ప్రియుడికి ఇచ్చింది. ఈ విషయం తెలుసుకున్న తండ్రి కుమార్తెను నిలదీశాడు. దీంతో ఆగ్రహించిన కుమార్తె.. కన్నతండ్రిపై చాకుతో దాడి చేసింది. తాజాగా వెలుగులోకి వచ్చిన ఈ వివరాలను పరిశీలిస్తే,
విశాఖపట్టణం శంకరమఠం వెనుక వీధిలో ఒక కేటరింగ్ వ్యాపారి తన కుమారుడు, కుమార్తెతో కలిసి నివాసం ఉంటున్నాడు. భార్య లేకపోవడంతో తన ఇద్దరు పిల్లలే సర్వస్వంగా భావించి జీవిస్తున్నాడు. ఈ క్రమంలో ఈ వ్యాపారి కుమార్తె స్థానికంగా ఉండే ఓ కాలేజీలో చదువుతుంది. ఇక్కడ చదివే మరో స్నేహితురాలి ద్వారా ఓ యువకుడు పరిచయమయ్యాడు. అతనితో యువతి ప్రేమలోపడింది.
