బంగాళదుంపలో విటమిన్-సి, విటమిన్- బి6, పొటాషియం పుష్కలంగా ఉండమే కాదు, కొద్ది మొత్తంలో థయామిన్, రైబోఫ్లావిన్, ఫోలేట్, నియాసిన్, మెగ్నీషియం, ఐరన్, జింక్ లాంటి మూలకాలు వుంటాయి. బంగాళదుంప తొక్కలో ఉన్న పీచు పదార్ధం కూడా చాలా ఉపయోగకరం. ఓ మాదిరి దుంప పొట్టు ఎన్నో ధాన్యపు గింజల ద్వారా వచ్చే పీచుకు సమానం. అంతేకాదు ఇందులో కార్టినాయిడ్స్, పాలీఫినాల్స్ లాంటి ఫైటో రసాయనాలు ఉన్నాయి.
ఆలూ టిక్కి తయారుచేసే విధానం:
ముందుగా బంగాళదుంపలను ఉడికించి పొట్టు తీసి మెత్తగా చేసుకోవాలి. తరువాత అందులో పుదీన, కొత్తిమీర, పచ్చిమిర్చి ముక్కలు, ఉప్పు, గరం మసాల, వేసి ముద్దగా కలుపుకుని పక్కన ఉంచుకోవాలి. ఇప్పుడు బటాణీలను కూడా ఉడికించిన తరువాత టమోటాలను వేటి నీటిలో ఉడికించి తోలు తీసి మెత్తగా ముద్ద చేసి ఉంచుకోవాలి.
ఇప్పుడు స్టవ్ మీదు బాండీని పెట్టి కొద్దిగా నూనె పోసి కాగాక పోపుగింజలు వేయాలి అవి వేగాక ఉల్లిపాయ ముక్కలు, టమాటా, ముద్ద, ఉడికించిన బటాణీల ముద్ద వేసి పొడిగా అయ్యేదాగా వేపి దించాలి.
ఆ తరువాత ఇంతకుముందు తయారుచేసుకున్న బంగాళాదుంప ముద్దలో వేసి బాగా కలుపుకోవాలి. ఇప్పుడు బ్రెడ్ ముక్కను నీటిలో ముంచి రెండు అరచేతులతో గట్టిగా వత్తి అందులో బంగాళాదుంప మిశ్రమాన్ని కొద్దిగా తీసుకోని బ్రెడ్ లోపల పెట్టి చుట్టూ మూసివేయాలి. ఇలా అన్ని తయారుచేసుకుని నూనెలో వేసి ఎర్రగా వేయించుకుని తీసుకుంటే రుచికరమైన ఆలూ టిక్కి రెడి. దీనిని టమాటా సాస్‌తో వేడిగా సర్వ్ చేసుకుంటే రుచిగా వుంటుంది.
