వివాహమై సంవత్సరాలు గడుస్తున్నా పిల్లలు మాత్రం కలగరు. దీంతో ఆ దంపతులు మానసికంగా కుంగిపోతుంటారు. అందుకే సంతానలేమి చాలా సున్నితమైన అంశంగా పరిగణిస్తారు. ఇది మానసికంగా, శారీరకంగా ఎంతో బాధను కలిగిస్తుంది. ఒక యేడాది పాటు ఎలాంటి సంతాన నిరోధక పద్ధతులు అవలంభించకుండా శృంగారంలో పాల్గొన్నప్పటికీ పిల్లలు పుట్టకపోతే సంతానలేమిగా చెప్పవచ్చు.
ముఖ్యంగా పురుషులలో వీర్యకణాల సంఖ్య, కదలికలు, అంగస్తంభన సమస్యలు, ఇన్‌ఫెక్షన్లు, వెరికోసిల్‌ వంటి కారణాలను గుర్తించి చికిత్స చేయాలి. స్త్రీలలో హార్మోనల్‌ అసమతుల్యత, ఫైబ్రాయిడ్స్‌, స్థూలకాయం, రుతుక్రమంలో సమస్యలు, పీసీఓడిలాంటి కారణాలను గుర్తించి చికిత్స చేయాలి. నిపుణులైన వైద్యులను సంప్రదించి చికిత్స, చేస్తే ఖచ్చితంగా సంతానలేమి సమస్య నుంచి గట్టెక్కవచ్చని వారు చెపుతున్నారు.
