సాధారణంగా ప్రతి ఒక్కరి ఇంట్లోని వంటింట్లో యాలకులు ఉంటాయి. వీటిని మసాలా కూరల్లో, స్వీటు ఐటమ్స్‌లో ఎక్కువగా ఉపయోగిస్తుంటారు. కొందరైతే యాలకులు వేసిన ఛాయ్‌ను ఇష్టంగా తాగుతుంటారు. ఇలా కొన్ని వంటకాలకు మంచి రుచిని, సువాసనను అందిస్తాయి యాలకులు.
యాలకుల్లోని పీచు పదార్థాలు జీర్ణక్రియను మెరుగుపరుస్తుంది. మలబద్థక సమస్యను నివారిస్తుంది. ప్రతిరోజూ పడుకునే ముందు ఒక గ్లాస్ గోరువెచ్చని పాలల్లో అరచెంచా యాలకుల పొడి, చిటికెడు పసుపు, కొద్దిగా చక్కెర వేసుకుని తాగితే రక్తహీనత తగ్గుతుంది. రక్తసరఫరా సక్రమంగా జరిగేలా చేస్తుంది.
రోజూ రెండు యాలకులను బుగ్గన వేసుకుని నమిలితే మంచి ఫలితం అంటున్నారు ఆయుర్వేద నిపుణులు. యాలకులను నమిలితే నోటి దుర్వాసన పోయి చిగుళ్ళు, దంతాలను ఆరోగ్యంగా ఉంచుతుంది. రోజూ రెండు యాలకులు తింటే శరీరంలోని హానికరమైన చెడు పదార్థాలు పోతాయి. అంతే కాదు ఎముకల బలానికి, శరీరానికి ఇన్ఫెక్షన్ రాకుండా కాపాడుతుంది. జుట్టు కూడా రాలదు. అంతేకాదు ఒత్తుగా జుట్టు కూడా వస్తుంది.
