తులసి ఆకు విత్తనాల గురించే తెలిస్తే?

శనివారం, 14 మార్చి 2020 (20:08 IST)
సాధారణంగా ఎక్కడా తులసి మొక్క లేని ఇల్లు ఉండదు. తులసి ఆకులు, విత్తనాలు శరీర ఆరోగ్యానికి ఎంతో మేలు చేస్తాయి. ఎవరికైనా ఆరోగ్య పరిస్థితి విషమించినప్పుడు చివరి ప్రయత్నంగా ఆ వ్యక్తి నోటిలో తులసి ఆకురసం పోయడం తెలిసిన విషయమే.
 
తులసి ఆకు, విత్తనాలు యాంటి ఇన్ఫ్లమేటరీగా పనిచేస్తాయి. దేహంలో తగినంత ఉష్ణోగ్రత ఉండేలా చూడడానికి తులసి ఆకుల రసం ఉపయోగపడుతుంది. తులసి విత్తనాల్లో ఐరన్, విటమిన్ కె, ప్రొటీన్లు పుష్కలంగా ఉంటాయి. ఐరన్ కారణంగా రక్తవృద్ధి జరుగుతుంది. 
 
ఈ గింజలను రోజూ తినడం వల్ల దేహంలో కొల్లాజెన్ స్రవించడానికి తోడ్పడుతుంది. కొత్త చర్మకణాలు ఉత్పత్తికి కొల్లాజెన్ సహాయపడుతుంది. దెబ్బతిన్న చర్మ కణాలు తొలగిపోయి కొత్త కణాలు రావడం వల్ల దేహంలోని టాక్సిన్లు స్వేచ్ఛగ్రంధుల ద్వారా బయటకు వెళ్ళిపోతాయి. 
 
సూర్యకిరణాల నుంచి విటమిన్ డి సంగ్రహించడానికి కూడా ఇది తోడ్పడుతుందట. ఫలితంగా ఎర్రరక్తకణాలు వృద్ధి చెందుతాయట. రక్తవృద్ధి, రక్తశుద్ధికి తులసి ఆకు, విత్తనాలు ఎంతో మేలు చేస్తాయని నిపుణులు చెబుతున్నారు. 

వెబ్దునియా పై చదవండి

సంబంధిత వార్తలు