అన్నం వేడి వేడిగా తింటున్నారా? కాస్త ఆగండి.. వేడి వేడి అన్నం తీసుకోవడం ద్వారా శరీరంలో ఉన్న శక్తి హరించుకునిపోతుందని ఆరోగ్య నిపుణులు అంటున్నారు. అందుకే అన్నం వండిన కాస్తంత వేడి చల్లారగానే తీసుకుంటే సరిపోతుందని వారు సూచిస్తున్నారు. అన్నాన్ని వేడిగానూ.. బాగా చల్లారిన తర్వాతనో తీసుకోకూడదు. మితమైన వేడిలో ఉన్నప్పుడే అన్నం తీసుకోవడం ద్వారా ఆరోగ్యానికి ఎంతో మేలు చేసినవారవుతారు.
అలాగే వేయించిన బియ్యం ఒక కప్పు, వేయించిన పెసరపపు అర కప్పు, ఒక కప్పు పాలు కలిపి నాలుగు గ్లాసుల నీటితో ఉడికించి.. ఆ తర్వాత ఒక పాత్రలో నూనెవేసి ఇంగువ, ఉప్పు, ధనియాలు, శొంఠి, పిప్పళ్లు, మిరియాలు కొద్దికొద్దిగా వేసి తాళింపు పెట్టి ఆ ఆహారం తీసుకుంటే వాత పిత్త కఫ దోషాలు హరించుకుపోతాయి. ఆకలి పెరుగుతుంది. రక్తవృద్ధి కలగడంతో పాటు, ప్రాణశక్తి పెరుగుతుందని ఆయుర్వేద నిపుణులు సూచిస్తున్నారు.
అలాగే బియ్యానికి నాలుగు రెట్ల నీళ్లు కలిపి ఉడికించిన అన్నం తింటే శరీరానికి శక్తి లభిస్తుంది. వేసవిలోనే కాకుండా ఆహారం పూర్తయ్యాక మజ్జిగ అన్నం తీసుకుంటే మూల వ్యాధి తగ్గిపోతుంది. రక్తవృద్ధి కలుగుతుంది. నీరసం, అలసట వుండదు.
