మనం తీసుకునే ఆహారంలో చాలావరకు పోషకవిలువలు ఉండేలా చూసుకోవాలి. మొలకలలో పోషకాలు సమృద్ధిగా లభిస్తాయి. మొలకలలో విటమిన్ ఎ, విటమిన్ సి, విటమిన్ బి 1, విటమిన్ బి 6, విటమిన్ కె ఉంటాయి. అంతే కాకుండా ఐరన్, ఫాస్ఫరస్, మెగ్నీషియం, పొటాసియం, మాంగనీసు, కాల్షియం కూడా సమృద్ధిగా ఉంటుంది. ఇంకా పీచు, ఫోలేట్ మరియు ఒమేగా -3 కొవ్వు ఆమ్లాలు కూడా ఉన్నాయి. మొలకలు ఆరోగ్యానికి మేలు చేస్తుంది. వాటి మేలేంటో ఇప్పుడు చూద్దామా...
మొలకలు తొందరగా జీర్ణమయ్యే గుణం ఉంది. మొలకలు తినటం వలన జీర్ణసంబంధ, కడుపు ఉబ్బరం సమస్య ఉన్నవారికి చాల ఉపయోగకరంగా ఉంటుందని డైటీషన్లు అంటున్నారు. మొలకలలో విటమిన్ సి ఎక్కువగా లభిస్తుంది. విటమిన్ సి వలన వెంట్రుకలు పొడవుగా పెరుగుతాయి. ఫ్రీరాడికల్స్ నివారించి వెంట్రుకలు పెరగటానికి తోడ్పడుతుంది. సహజంగా మగవారిలో బట్టతల, అలోపేసియాను నియంత్రిస్తుంది.