దేశంలో కర్నాటక, గుజరాత్ రాష్ట్రాల్లో చిన్న పిల్లల్లో హ్యూమన్ మెటాన్యూమోవైరస్ (HMPV) కనిపించినట్లు వార్తలు వస్తున్నాయి. ఐతే బాధిత రోగులలో ఎవరికీ అంతర్జాతీయ ప్రయాణ చరిత్ర లేదని గమనించడం ముఖ్యం. ఈ రెండు కేసులను గుర్తించినప్పటికీ, దేశంలో ఇన్‌ఫ్లుఎంజా-లైక్ ఇల్‌నెస్ (ILI) లేదా తీవ్రమైన అక్యూట్ రెస్పిరేటరీ ఇల్‌నెస్ (SARI) కేసులలో గణనీయమైన పెరుగుదల లేదని ICMR నొక్కి చెప్పింది.
కేంద్ర ఆరోగ్య మంత్రిత్వ శాఖ అందుబాటులో ఉన్న అన్ని నిఘా మార్గాల ద్వారా పరిస్థితిని పర్యవేక్షిస్తూనే ఉంది. అదనంగా ICMR ఏడాది పొడవునా HMPV సర్క్యులేషన్ ట్రెండ్‌లను ట్రాక్ చేస్తుంది. ప్రపంచ ఆరోగ్య సంస్థ (WHO) ప్రజారోగ్య చర్యలను తెలియజేయడానికి చైనాలో పరిస్థితిపై ఎప్పటికప్పుడు అందిస్తూ వుంది. కనుక ఈ వైరస్ గురించి అంతగా భయాందోళనలు అక్కర్లేదని చెబుతున్నారు.
హ్యూమన్ మెటాన్యూమోవైరస్ లక్షణాలు ఏమిటి?
HMPV అనేది శ్వాసకోశ వైరస్, ఇది ఇప్పటికే భారతదేశంతో సహా ప్రపంచవ్యాప్తంగా వ్యాపిస్తోంది. ఇది వివిధ దేశాలలో శ్వాసకోశ వ్యాధులతో సంబంధం కలిగి ఉంది. అయినప్పటికీ భారతదేశంలో కేసులలో అసాధారణ పెరుగుదల లేదు. ఇది ఎగువ శ్వాసకోశ సంక్రమణకు కారణమయ్యే సాధారణ శ్వాసకోశ వైరస్. HMPV వైరస్ కలిగి ఉన్న వారితో ప్రత్యక్ష పరిచయం ద్వారా లేదా వైరస్‌తో కలుషితమైన వస్తువులను తాకడం ద్వారా వ్యాపిస్తుంది.
