కొబ్బరి నీళ్లు. ఏదో దాహం వేస్తేనో, వేడి చేసిందనో తాగుతూ ఉంటారు చాలామంది. కానీ ఈ కొబ్బరి నీళ్లలో ఎన్నో ఔషధ గుణాలున్నాయని అంటున్నారు వైద్యులు. డీహైడ్రేషన్ సమయంలో కొబ్బరి నీరు తీసుకుంటే శరీరానికి తగిన శక్తి లభిస్తుంది. ఈ నీళ్లను తీసుకోవడం వలన శరీరంలోని వేడి తగ్గిస్తుంది.
కొబ్బరి నీటిలో యాంటీ ఆక్సిడెంట్స్, విటమిన్స్, న్యూట్రియన్స్ అధిక మోతాదులో ఉన్నాయి. ఇవి శరీరంలోని చెడు వ్యర్థాలను తొలగించి.. శరీరానికి కావలసిన పోషక విలువలను అందిస్తాయి. తరచు కొబ్బరి నీరు తాగడం వలన అలసట, ఒత్తిడి నుండి ఉపశమనం లభిస్తుంది.
ఆయుర్వేదం ప్రకారం... కొబ్బరి నీరు జీర్ణవ్యవస్థను మెరుగుపరుస్తుంది. అంతేకాదు.. ఈ నీటిని తీసుకోవడం వలన మూత్రపిండాల్లో ఏర్పడిన రాళ్లను తొలగించేందుకు కూడా ఉపయోగిస్తారు. ఈ నీళ్లను చర్మంపై రాసుకుంటే శరీరంపై గల పొక్కులు, ర్యాషెస్ తగ్గిపోతాయి. కొబ్బరి నీళ్లకు అంతటి ప్రాధాన్యత ఉన్నది.
