భారతీయ సంప్రదాయంలో పూజగదిలో తప్పనిసరిగా ఉండే వస్తువుల్లో కర్పూరం ఒకటి. ఇది అనేక రకాలుగా ఉన్నప్పటికీ.. మనకు తెలిసింది మాత్రం రెండు రకాలు మాత్రమే. ఈ కర్పూరం కేవలం దేవుడి పూజకు మాత్రమేకాదు ఆరోగ్యానికి కూడా ఎన్నో రకాలుగా మేలు చేస్తుంది. ముఖ్యంగా పచ్చ కర్పూరంతో అనేక ప్రయోజనాలు ఉన్నాయి. అవేంటో ఓసారి తెలుసుకుందాం.
* కళ్లు బైర్లుకమ్మడం, తలతిరగడం, కడుపులో వికారం, అతిగా శరీరానికి చెమట పట్టడం వంటివి తగ్గిపోతాయి.
* రక్తపోటుతో బాధపడేవారు వీటిని తీసుకున్నట్టయితే బీపీ అదుపులో ఉంటుంది.
* పచ్చ కర్పూరంతో కళ్ళమంటలు, కళ్లు ఎరుపెక్కడం, నీరు కారడం, తలనొప్పి వంటివి తగ్గుతాయి.
* ముఖ్యంగా, జాజికాయ, జాపత్రి, పచ్చకర్పూరంలను మెత్తగా నూరి, ఇందులో ఎండుద్రాక్ష వేసి చిన్నటి మాత్రలా తయారు చేసుకుని రాత్రి పడుకునేముందు వేసుకుంటే వీర్యవృద్ధి కలుగుతుందని గృహవైద్య నిపుణులు అభిప్రాయపడుతున్నారు.
* వేసవికాలంలో పచ్చ కర్పూరాన్ని తీసుకుంటే వడదెబ్బతో పాటు అతిదాహం, తపన, శరీరం చిటపటలాడటం, శోష తగ్గటం వంటివి తగ్గిపోతాయి.
