ఉరుకుల, పరుగుల జీవితంలో ఆరోగ్యకరమైన ఆహారం ఎంతో అవసరం. కానీ మనం తినే ఆహారంలో అన్ని పోషక విలువలు ఉండవు. ముఖ్యంగా ప్రొటీన్లు. అయితే గోధుమ రవ్వను ఆహారంలో భాగంగా చేసుకున్నట్లయితే మన శరీరానికి అవసరమైన ప్రొటీన్లు అందుతాయని ఆరోగ్య నిపుణులు సూచిస్తున్నారు.
గోధుమ రవ్వలో ప్రొటీన్లు పుష్కలంగా ఉంటాయి. బరువు పెరగడానికి, కండరాల నిర్మాణానికి గోధుమ రవ్వ సరైన ఆహారం. గోధుమ రవ్వతో చేసిన ఉప్మాను కానీ వేరే ఏ వంటకాన్ని అయినా ఏ సమయంలోనైనా తీసుకోవచ్చు. గోధుమ రవ్వలో ఫైబర్లు కూడా అధికంగా ఉంటాయి. ఇవి ఎక్కువసేపు కడుపు నిండుగా ఉన్న భావనను కలిగిస్తాయి.
