మన పొరుగు దేశమైన బంగ్లాదేశ్‌లో 2022 డిసెంబర్ 6న షహరియార్ సచిబ్ రాజీబ్ అనే వ్యక్తికి చెందిన తొమ్మిది మేకలు స్థానిక శ్మశాన వాటికలోని చెట్ల ఆకులు, గడ్డి తిన్నాయి. దాంతో అధికారులు ఆ 9 మేకలను తమ ఆధీనంలోకి తీసుకున్నారు. అప్పటి నుంచి ఏడాదికాలంగా బరిసాల్లోని బార్ల వెనుక ఆ మేకలు బందీలుగా ఉంచారు. తన మేకలను విడిపించుకునేందుకు వాటి యజమాని పలు విధాలుగా ప్రయత్నించినా ప్రయోజనం లేకుండా పోయింది.
అయితే, అధికారులు మూగ జీవులకు శిక్ష విధించడం ఇదే తొలిసారి కాదు. రష్యాలోని కోమి ప్రావిన్స్‌లోని సిక్టివ్కర్ నగరంలోని జైలులో ఓ పిల్లి అక్రమంగా ఫోన్లు, గాడ్జెట్లు రవాణ చేస్తుందని అరెస్టు చేసి బంధించారు. ఉత్తరప్రదేశ్ రాష్ట్రంలో ఓ ఎనిమిది గాడిదలు లక్షల విలువ చేసే మొక్కలను తినేశాయని అరెస్టు చేసి జైల్లో పెట్టారు. ఇలాంటి ఉదంతాలు అనేకం ఉన్నాయి.
