జాన్సన్ అండ్ జాన్సన్ కంపెనీకి భారీ జరిమానాను విధిస్తూ లాస్ ఏంజిల్స్ కోర్టు సంచలన తీర్పునిచ్చింది. జాన్సన్ అండ్ జాన్సన్ కంపెనీకి చెందిన పౌడర్‌ను చాలాకాలం ఉపయోగించడం ద్వారా ఓ మహిళకు అండాశయ క్యాన్సర్ వచ్చినట్లు వైద్యులు గుర్తించారు. దీంతో బాధితురాలు ఎచివెరియా కోర్టుకెక్కడంతో కోర్టు ఆమెకు 417 మిలియన్ల డాలర్లు.. భారత కరెన్సీలో రూ.2700 కోట్లు నష్టపరిహారంగా చెల్లించాలని ఆదేశించింది.
ఇంకా ఈ పౌడర్ వాడటం వల్లే తన క్లయింట్ ఈ వ్యాధి బారిన పడిందని, ఇలాంటి నష్టం ఇతరులకు జరగకూడదనే ఉద్దేశంతోనే కోర్టును ఆశ్రయించినట్లు ఎచివెరియా తరపు న్యాయవాది మార్క్ రాబిన్ సన్ తెలిపారు. అయితే ఈ తీర్పు పట్లు జాన్సన్ కంపెనీ అప్పీలు చేసేందుకు సిద్ధమైంది. ఎచువెరియాకు చేసే ఆరోపణలకు తగిన శాస్త్రీయ పరమైన ఆధారాలు లేవని జాన్సన్ సంస్థ అధికారులు వెల్లడించారు.
