బ్యూటీ క్వీన్‌ను గర్భవతిని చేసిన పొలిటికల్ లీడర్.. ఎక్కడ?

సాధారణ మహిళలే కాదు... దేశానికి మంచి పేరు ప్రఖ్యాతలు తెచ్చే మహిళలు కూడా మోసపోతున్నారు. తాజాగా అందాల పోటీల్లో కిరీటాన్ని దక్కించుకున్న బ్యూటీ క్వీన్ కూడా ఓ రాజకీయ నేత చేతిలో మోసపోయింది. ఫలితంగా గర్భందాల్చింది. ఇది కెన్యా రాజధాని నైరోబీలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే...

కెన్యా దేశంలోని నైరోబి నగరానికి చెందిన ఓ యువతి మోడల్‌గా పనిచేస్తూ అందాల పోటీల్లో పాల్గొంది. ఈ పోటీల్లో అందరినీ వెనక్కి నెట్టి విజేతగా నిలిచి బ్యూటీ క్వీన్ కిరీటాన్ని దక్కించుకుంది. ఈమెపై ఆ దేశానికి చెందిన ప్రముఖ రాజకీయ నాయకుడు కన్నేశాడు. ఆ తర్వాత ఆమెతో పరిచయం ఏర్పరచుకుని మాయమాటలతో లోబరుచుకున్నాడు.

ఆ పరిచయం కాస్త అక్రమ సంబంధానికి దారితీసింది. పలితంగా ఆమె గర్భవతి అయింది. అనంతరం తమ సంబంధం, గర్భం గురించి మీడియాకు చెబితే తీవ్ర పరిణామాలుంటాయని రాజకీయ నేత మోడల్‌ను బెదిరించాడు. తన పరిస్థితి ఏంటో అర్థంగాక ఆమె విషయాన్ని బహిర్గతం చేసింది. దీనిపై సదరు రాజకీయ నేత కూడా స్పందించారు. తనను అందాల రాణి బ్లాక్ మెయిల్ చేస్తుందని, తాను నిర్దోషినంటూ వాపోతున్నారు.