అగ్రరాజ్యం అమెరికాలో మళ్లీ తూటా పేలింది. గురువారం జరిగిన ఈ కాల్పుల్లో ఓ మహిళతోపాటు ఏడాది బాబు ప్రాణాలు కోల్పోయాడు. తాజాగా వెలుగులోకి వచ్చిన ఈ వివరాలను పరిశీలిస్తే, అమెరికా, ఫ్లోరిడాలోని రాయల్ పామ్ బీచ్‌లో ఉన్న పబ్లిక్స్ గ్రోసరీ స్టోర్‌లో గురువారం రోజు ఓ దుండగుడు కాల్పులకు తెగబడ్డాడు.
ఈ కాల్పుల ఘటనపై పోలీసులు దర్యాప్తు ప్రారంభించారు. దుండగుడు ఏ కారణం చేత కాల్పులకు పాల్పడ్డాడనే కోణంలో విచారణ జరుపుతున్నారు. ఇదిలావుంటే, ఫ్లోరిడాలో గత ఆదివారం కూడా ఓ దుండగుడు కాల్పులకు తెలగబడిన విషయం తెల్సిందే. మియామిలోని జరిగే గ్రాడ్యూయేషన్ పార్టీలో ఓ దుండగుడు కాల్పులు జరపడంతో ముగ్గరు మరణించగా.. ఐదుగురు గాయపడిన విషయం తెల్సిందే.
