రష్యా రక్షణ శాఖకు ఫ్లైట్ గల్లంతు... 91 మందితో విమానం అదృశ్యం

రష్యాలో రక్షణ శాఖకు చెందిన విమానం ఒకటి గల్లంతైంది. విమానం సోచి నుంచి బయలుదేరిన కొద్దిసేపటికే రాడార్‌తో సంబంధాలు తెగిపోయాయని అధికారులు వెల్లడించారు. టీయూ-154 విమానం సోచి నుంచి సిరియా సముద్రతీర నగరం లటాకాకు బయలు దేరింది. 

స్థానిక కాలమానం ప్రకారం ఉదయం 5:20 గంటలకు సోచిలో టేకాఫ్‌ అయిన విమానం... 5:40 గంటలకు రాడార్‌ నుంచి తప్పిపోయినట్లు ఎమర్జెన్సీ మినిస్ట్రీ అధికారులు వెల్లడించారు.

విమానంలో జర్నలిస్టులు, సైనికాధికారులు, మ్యుజీషియన్స్‌ తదితరులు ఉన్నట్లు తెలుస్తోంది. మొత్తం విమానంలో 83 మంది ప్రయాణికులతో పాటు 8 మంది సిబ్బంది ఉన్నారు. దీనికి సంబంధించి మరింత సమాచారం తెలియాల్సి ఉంది.