కరోనా సోకిన రోజు నుంచి ఆమె శరీరంలో దాదాపు 30కిపైగా రకాలుగా కరోనా ఉత్పరివర్తనం చెందినట్లు పరిశోధకులు గుర్తించారు. మెడికల్‌ జర్నల్‌ మెడ్రిక్స్‌వి ఈ అసాధారణ కేసుకు సంబంధించిన వివరాలను ప్రచురించింది. అయితే, దీనిపై ఇప్పటివరకూ పునఃపరిశీలన జరపలేదు. సదరు మహిళ 2006లో హెచ్‌ఐవీ బారిన పడింది.
క్రమంగా రోగనిరోధక వ్యవస్థ క్షీణిస్తూ వచ్చింది. గతేడాది సెప్టెంబరులో కరోనా బారిన పడింది. అప్పటి నుంచి ఆమెలో కరోనా వైరస్‌ స్పైక్‌ ప్రొటీన్‌ 13 రకాలుగా ఉత్పరివర్తనం చెందగా, జన్యుపరంగా 19 రకాలుగా రూపాంతరం చెందింది. E484K, B.1.1.7, N510Y, B.1.351 ఇలా ఆమె శరీరంలో పలు రకాలుగా కరోనా వైరస్‌ ఉత్పరివర్తనం చెందడాన్ని పరిశోధకులు గుర్తించారు.
