చాలా మంది ప్రభుత్వ ఉద్యోగులకు వ్యాపారం చేయాలని కల, కోరిక ఉంటుంది. అలాంటి వారు ధైర్యం చేసి ప్రభుత్వ ఉద్యోగానికి రాజీనామా చేసి వ్యాపారంలోకి దిగి నష్టపోతే... రెండు విధాలుగా మునిగిపోతామనే భయం వెంటాడుతుంది. అందుకే ఏ ఒక్క ప్రభుత్వ ఉద్యోగి వ్యాపారం చేసేందుకు తన ఉద్యోగానికి రాజీనామా చేయాలని సాహసం చేయరు.
ఇలాంటి వారి కోసమే యూఏఈ పాలకు మంచి నిర్ణయం తీసుకున్నారు. ప్రభుత్వ ఉద్యోగానికి రాజీనామా చేయకుండానే ఒక యేడాది పాటు పెయిడ్ లీవ్ ఇస్తామని, ఈ యేడాదిలో వ్యాపారం చేయాలన్న మీ కలను నెరవేర్చుకోవాలని సూచించింది. ఒక వేళ వ్యాపారంలో క్లిక్ అయితే సరేసరి... లేదంటే తిరిగి ఉద్యోగంలో చేరవచ్చని తెలిపింది.
ఈ సెలవులను వినియోగించుకోవాలని భావించే ప్రభుత్వ ఉద్యోగి వెబ్‌సైట్‌ ద్వారా దరఖాస్తు చేసుకోవచ్చని ఆయన వెల్లడించారు. కాగా, ఇటీవల ప్రభుత్వ కార్యాలయాల్లో పని రోజులను కూడా నాలుగున్న రోజుకే కుదిస్తూ నిర్ణయం తీసుకున్న విషయం తెల్సిందే.
