ఆప్ఘనిస్థాన్ దేశం తాలిబన్ తీవ్రవాదుల వశమైంది. దీంతో ఆ దేశంలో అల్లకల్లోల పరిస్థితులు నెలకొన్నాయి. అయితే, ఆప్ఘనిస్థాన్‌లో మళ్లీ తాలిబన్ల రాజ్యం ఏర్పడటానికి అమెరికా తీసుకున్న నిర్ణయాలే కారణమని ప్రపంచ వ్యాప్తంగా విమర్శలు వెల్లువెత్తుతున్నాయి.
అమెరికా బ్యాంకుల్లోని ఉన్న ఆప్ఘన్ నిధులపై ఆంక్షలు విధించింది. దాదాపు 9.5 బిలియన్‌ డాలర్ల విలువైన ఆస్తులను (రూ.70వేల కోట్లు) సీజ్ చేసినట్టు అంతర్జాతీయ మీడియా కథనాలు వెల్లడించాయి. ఆప్ఘన్ సెంట్రల్ బ్యాంకుకు సంబంధించిన ఈ నిధులు తాలిబన్ల చేతుల్లోకి వెళ్లకుండా నిధులు సీజ్ చేసినట్టు అధికార యంత్రాంగం ధ్రువీకరించింది.
