భర్త ఊరికి వెళ్లడం ఇష్టంలేని భార్య.. ఏం చేసిందో తెలుసా?

ఆడవాళ్ళు అనుకుంటే కొండలనైనా పిండి చేయగలరు. అనుకున్నది సాధించే వరకు విశ్రమించరు. అలాంటి ఘటనే ఒకటి జరిగింది. తన భర్త ఊరికి వెళ్లొద్దని అనుకున్న ఒక భార్య ఏకంగా విమానాశ్రయానికి ఫోన్ చేసి బాంబు ఉందంటూ తన భర్త వెళ్లాల్సిన విమానాన్ని రద్దుచేసి తనేంటో నిరూపించింది. ఈ వింత ఘటన ఫ్రాన్స్‌లో చోటుచేసుకుంది. 

ఆ వివరాల్లోకి వెళ్తే.. అన్నెసీ అనే మహిళ తన భర్త విదేశాలకు పనిమీద వెళుతుంటే వద్దని వారించింది. అయినా ఆమె భర్త ఆ మాటల్ని పట్టించుకోకుండా ప్రయాణానికి సిద్ధమైయ్యాడు. తన భర్త ప్రయాణాన్ని రద్దు చేయాలని భావించిన మహిళ ఒక పథకాన్ని ఆలోచించింది. వెంటనే విమానాశ్రయానికి ఫోన్ చేసి బాంబు ఉందంటూ బెదిరించింది. 

జెనీవాలోని కాయిన్‌ ట్రిన్‌ ఎయిర్‌ పోర్ట్‌కు బాంబు బెదిరింపు కాల్‌ రావడంతో అధికారులు విమానాశ్రయం మొత్తం ఖాళీ చేయించి తనిఖీలు చేపట్టారు. మొత్తం వెతికినా బాంబు దొరక పోవడంతో ఫోన్‌ కాల్‌ ఎక్కడ నుండి వచ్చిందా అని ఎంక్వౌరీ మొదలుపెట్టారు. 

ఆ కాల్‌ ప్రాన్స్‌లోని అన్నెసీ అనే మహిళ చేసినట్లుగా నిర్థారించారు. ఆమెను అరెస్టు చేసి ప్రశ్నించగా తన భర్తపై ప్రేమతో తాను ఇలా చేశానని చెప్పింది. భర్తపై ప్రేమతో అందరిని ఇబ్బంది పెట్టినందుకు ఆమెపై పోలీసులు కేసును నమోదు చేశారు.