చైనాకు చెందిన ఓ ఆహార సంస్థ గిన్నిస్ రికార్డ్ సాధించింది. ప్రపంచంలో అత్యంత పొడవైన న్యూడిల్‌ను ఈ సంస్థ తయారు చేసింది. 10,100 అడుగుల పొడవైన ఈ న్యూడిల్‌ను పూర్తిగా చేతితోనే తయారు చేశారు. 66 కిలోగ్రాముల ఈ న్యూడిల్ తయారీకి సంబంధించిన వీడియోను గిన్నిస్ బుక్ ఆఫ్ వరల్డ్ రికార్డ్స్ యూట్యూబ్‌లో అప్‌లోడ్ చేసింది.
ఈ వీడియోలో న్యూడిల్ తయారీకి 40కిలోల బ్రెడ్ పిండిని ఉపయోగిచారు. 0.6 కిలోల ఉప్పు, 26.8 లీటర్ల నీటిని వాడారు. ఈ న్యూడిల్ తయారీకి 17గంటల సమయం పట్టింది. ఈ న్యూడిల్ ద్వారా 2001లో జపాన్‌లో తయారైన 1800 అడుగుల పొడవైన న్యూడిల్ రికార్డును చైనా కంపెనీ బ్రేక్ చేసింది.
