అమెరికా అధ్యక్ష ఎన్నికల ఓటింగ్ వచ్చే నెల మూడో తేదీన జరుగనుంది. అయితే, ఆ రోజున ఎన్నికల్లో పాల్గొని ఓటు హక్కును వినియోగించుకోలేని వారు ముందుగా ఓటు వేసే వెసులుబాటు ఉంది. దీంతో ఈ అవకాశాన్ని చాలా మంది ఇప్పటికే సద్వినియోగం చేసుకున్నారు. వీరిలో ప్రస్తుత అధినేత డోనాల్డ్ ట్రంప్ కూడా ఉన్నారు. అయితే, ఈ దఫా ఎన్నికల్లో ట్రంప్ ఓడిపోతారనే సంకేతాలు వస్తున్నాయి. దీనికి కారణం అమెరికా యువతే. దేశంలోని యువత అంతా ట్రంప్ ప్రత్యర్థి జో బైడెన్‌కు జై కొడుతున్నట్టు ఓ సర్వేలో తేలింది.
మరోవైపు, ట్రంప్ ప్రత్యర్థి, డెమొక్రటిక్ అభ్యర్థి జో బైడెన్‌కు యువతలో క్రమంగా ఆదరణ పెరుగుతోంది. యువ ఓటర్ల మద్దతు విషయంలో ట్రంప్ కంటే బైడెన్ 24 పాయింట్లు ముందున్నారు. మొత్తంగా చూసుకుంటే మాత్రం 56 శాతం మంది బైడెన్‌కే జై కొడుతున్నారు.
