టీమిండియా మాజీ కెప్టెన్ మహేంద్ర సింగ్ ధోనీని పక్కనబెట్టి.. స్టీవెన్ స్మిత్‌కు కెప్టెన్సీ అప్పగించిన పూణే జట్టు ఓనర్ సంజీవ్ గోయంకా ఏమంటున్నాడో తెలుసా? అయితే చదవండి. పూణే జట్టు ఏర్పాటు చేసిన మీడియా సమావేశంలో గోయెంకా, స్టీవ్ స్మిత్ కనిపించారు. కానీ ధోనీ మిస్సయ్యాడు. ధోనీ ఎక్కడ అంటూ మీడియా ప్రశ్నించింది.
దీనిపై గోయెంకా మాట్లాడుతూ.. ఏప్రిల్ ఐదో తేదీ నుంచి ఐపీఎల్ పదో సీజన్ మొదలుకానుందని గుర్తు చేసిన ఆయన, ఏప్రిల్ 3 నుంచి ధోనీ తమతో ఉంటాడని తెలిపాడు. ధోనీని తాను కలిసిన ప్రతిసారి ఏదొకటి నేర్చుకునే తిరిగొచ్చేవాడినని అన్నాడు. మహేంద్ర సింగ్ ధోనీ మంచి ఆటగాడిగా, లీడర్‌గా రాణించారని.. ఆయనపై అపారమైన గౌరవం ఉందన్నారు. ఆయనకు తాను పెద్ద అభిమానిని అని గోయంకా చెప్పుకొచ్చాడు.
