వైభవ్ అరోరా డిసెంబర్ 14, 1997న అంబాలాలో జన్మించాడు. అరోరా దేశీయ స్థాయిలో హిమాచల్ ప్రదేశ్ తరపున ఆడుతున్నాడు. 2019లో సౌరాష్ట్రపై ఫస్ట్-క్లాస్ అరంగేట్రం చేశాడు. టీ20ల్లో 2021లో ఛత్తీస్‌గఢ్‌పై అరంగేట్రం చేశాడు. తన కెరీర్‌లో 12 టీ20 మ్యాచ్‌లు ఆడిన ఆరోరా 12 వికెట్లు పడగొట్టాడు.
ఇకపోతే.. ఐపీఎల్ తొలి మ్యాచ్‌లోనే రికార్డులు కొల్లగొట్టిన వైభవ్ అరోరా మాట్లాడుతూ.. తన ఐపీఎల్ శాలరీతో అమ్మకు ఇల్లు కొని పెట్టాలని చెప్పాడు. ఇంకా వైభవ్ మాట్లాడుతూ.. " ఇక నా తండ్రి చాలా కష్టపడి పనిచేస్తున్నాడు. ఆయన కూడా వృద్ధాప్యంలో ఉన్నారు. నేను ఆయనను పని చేయడం మానేయమని చెప్పాను. ఐపిఎల్ నుండి నేను పొందే డబ్బుతో వారికి సహాయం చేయాలనుకుంటున్నాను. అలాగే, నేను నా తల్లికి ఒక ఇంటిని బహుమతిగా ఇవ్వాలనుకుంటున్నాను, అక్కడ ఆమె సౌకర్యవంతంగా జీవించగలదు" అని వైభవ్ చెప్పుకొచ్చాడు.
