విద్వేష పూరిత, అసత్య సమాచార ప్రచారాన్ని నియంత్రించాల్సిందిగా హక్కుల ఉద్యమకారులు, సామాజిక కార్యకర్తలు కోరినా ఫేస్‌బుక్ తగిన చర్యలు తీసుకోవడం లేదని అశోక్ అభిప్రాయపడ్డారు. దీనిపై సంస్థ ప్రతినిధి లిజ్ బర్గేయస్ స్పందించారు. ఫేస్‌బుక్ ఎప్పుడూ విద్వేషం వల్ల లాభం పొందలేదని.. పైగా సామాజిక భద్రత కోసం మిలియన్ల డాలర్లు వెచ్చించినట్టు ఆమె తెలిపారు.
నిపుణుల సూచనల మేరకు రాజకీయాలు, తదితర అంశాలకు సంబంధించి మార్గదర్శకాలను ఎప్పటికప్పుడు అప్‌డేట్ చేస్తున్నామని వివరించారు. ఎలాంటి ఫిర్యాదులు అందనప్పటికీ మిలియన్ల కొద్దీ విద్వేష పూరిత పోస్టులను తొలగించామని స్పష్టం చేశారు. కాగా, ఇటీవల ఫేస్‌బుక్‌కు సంబంధించి వాల్‌స్ట్రీట్ జనరల్ సంచలన కథనాన్ని ప్రచురించించిన విషయం తెలిసిందే.
