ఏదైనా ఫోటో కావాలంటే ఠక్కున గుర్తుకువచ్చేది గూగూల్ ఫోటో ప్రపంచం. ఇందులో మనకు లభించని ఫోటో అంటూ ఉండదు. అవన్నీ కూడా ఉచితంగానే ఇంతకాలం వాడుతూ వచ్చాం. అలాగే, మన ఫోటోలను కూడా గూగుల్‌లో అప్‌లోడ్ చేస్తూ వచ్చాం. కానీ, ఇక నుంచి ఆ అవకాశం ఉండదు. గూగుల్ ఫోటోస్‌లకు అన్‌లిమిటెడ్‌ స్టోరేజీ ఇక ఉండదు.
2021 జూన్ 1 నుంచి అన్‌లిమిటెడ్‌ స్టోరేజీ ఉండదని గూగుల్ గతంలోనే ప్రకటించింది. అంటే గడువు ముగిసే సమయం దగ్గరకు వచ్చేసింది. 2021 జూన్ 1 నుంచి యూజర్ అప్‌లోడ్ చేసే ఫోటోలన్నీ గూగుల్ ఉచితంగా ఇచ్చే 15 జీబీ అకౌంట్‌లోకి వెళ్తాయి. అయితే, ఇప్పటికే అప్‌లోడ్ చేసిన ఫోటోలకు ఈ నియమం వర్తించదు.
అంటే మే 31 వరకు ఎన్ని ఫోటోలు అప్‌లోడ్ చేసినా అన్‌లిమిడెట్ కోటాలోకే వెళ్తుంది. జూన్ 1 నుంచి 15 జీబీ వరకే ఫోటోలు, వీడియోలు అప్‌లోడ్ చేసుకునే అవకాశం ఉంటుంది. ఒకవేళ జీమెయిల్, గూగుల్ డ్రైవ్‌లో ఇప్పటికే ఎక్కువ ఫైల్స్ ఉన్నట్లయితే ఎక్కువ ఫోటోలు, వీడియోలు అప్‌లోడ్ చేయలేరు.
