జియోమీ తన రెడ్ మీ ఏ3 స్మార్ట్‌ఫోన్‌ను బుధవారం భారతదేశంలో రూ.7,299 ప్రారంభ ధరతో విడుదల చేసింది. రెడ్ మీ ఏ3 వెనుకవైపు హాలో డిజైన్‌లో వస్తుంది. రెడ్ మీ ఏ3 3జీబీ రామ్/64 జీబీ స్టోరేజ్ వేరియంట్ ధర రూ.7,299.
6జీబీ రామ్/128జీబీ స్టోరేజ్ వేరియంట్ ధర రూ.9,299.ఈ స్మార్ట్ఫోన్ ఫిబ్రవరి 23 నుండి విక్రయించబడుతుంది. ఎంఐ వెబ్‌సైట్, ఫ్లిఫ్ కార్ట్ ఇతర రిటైల్ అవుట్‌లెట్‌లలో కొనుగోలు చేయవచ్చు.
రెడ్ మీ ఏ3 1650×720 పిక్సెల్‌ల రిజల్యూషన్‌తో 6.7-అంగుళాల HD+LCD డిస్‌ప్లేను కలిగి ఉంది. 90 Hz రిఫ్రెష్ రేట్‌కు మద్దతు ఇస్తుంది. బడ్జెట్ స్మార్ట్‌ఫోన్‌లో వాటర్‌డ్రాప్ స్టైల్ నాచ్ కూడా ఉంది. ఇది కార్నింగ్ గొరిల్లా గ్లాస్ 3 ప్రొటెక్షన్‌తో ఫ్రంట్ ఫేసింగ్ కెమెరాను కలిగి ఉంది.
Redmi A3 స్మార్ట్ఫోన్ ఆక్టా-కోర్ మీడియా టెక్ హీలియో G36 చిప్‌సెట్‌తో ఆధారితమైనది. ఇది 6GB వరకు LPDDR4x RAM, 128 GB వరకు eMMC 5.1 స్టోరేజ్‌తో జత చేయబడింది. ఆండ్రాయిడ్ 13 ఆపరేటింగ్ సిస్టమ్ ఆధారంగా కంపెనీ యాజమాన్య MIUI 14 కస్టమ్ స్క్రీన్‌పై స్మార్ట్ఫోన్ రన్ అవుతుంది.
