ఫోన్ల తయారీలో జియోమీ కంపెనీకి వున్న క్రేజ్ అంతా ఇంతా కాదు. చైనాకు చెందిన ఈ కంపెనీ.. ఎంఐ, రెడ్‌మీ పేరుతో ఇప్పటి వరకు అత్యాధునికమైన ఫీచర్లలో పలు ఫోన్లను ప్రపంచవ్యాప్తంగా విడుదల చేసింది. త్వరలో జియోమీ నుంచి 12 సిరీస్ విడుదల కానుంది.
ఈ సిరీస్‌లో భాగంగా జియోమీ 12, జియోమీ 12 ప్రో ఫోన్లు డిసెంబర్ 28న చైనాలో విడుదల కానున్నాయి. అయితే.. ఈ ఫోన్ల లాంచ్ కంటే ముందే.. ప్రీ ఆర్డర్స్ చేసుకునే అవకాశాన్ని జియోమీ కల్పించింది. దీంతో ఇప్పటి వరకు 2 లక్షలకు పైగా ఈ స్మార్ట్‌ఫోన్ల కోసం ప్రీ ఆర్డర్స్ వచ్చాయని సంస్థ ఓ ప్రకటనలో తెలిపింది.
