సోషల్ మీడియాలో సర్క్యూలేట్ అవుతున్న వీడియోపై ప్రజల్లో తీవ్ర ఆగ్రహం వ్యక్తం అవుతుంది. నిందితులు ఓ మహిళను అతి క్రూరంగా వేధించారు. ఆమె మర్మాంగాల్లో బాటిల్‌తో దాడి చేశారు. ఆ తర్వాత 22 ఏళ్ల ఆ యువతిని గ్యాంగ్ రేప్ చేసినట్లు ఆరోపణలు ఉన్నాయి. ఆరు రోజుల క్రితం ఈ ఘటన బెంగుళూరులో జరిగినట్లు తెలుస్తోంది. అయితే వీడియో క్లిప్ ఆధారంగా అనుమానితుల్ని అరెస్టు చేసిన పోలీసులు దర్యాప్తు మొదలుపెట్టారు.
బంగ్లాదేశీ మహిళను అత్యంత అమానవీయంగా వేధించారు. అక్రమరీతిలో ఆ మహిళను ఇండియాకు తీసుకువచ్చినట్లు కూడా గుర్తించారు. ప్రస్తుతం ఆ మహిళ మరో రాష్ట్రంలో ఉన్నదని, ఆమెను తీసుకువచ్చేందుకు ప్రయత్నాలు జరుగుతున్నట్లు చెప్పారు. మెజిస్ట్రేట్ వద్ద ఆమె వాంగ్మూలం తీసుకోనున్నట్లు పోలీసులు తెలిపారు.
అరెస్టు అయిన వారిలో మహమ్మద్ బాబా షేక్‌, రిఫాతుల్ ఇస్లామ్ రిదే బాబో, సాగర్‌, అఖిల్‌లు ఉన్నారు. మహిళ ఐడెంటిటీని పోలీసులు వెల్లడించలేదు. నిందితులు బంగ్లాదేశ్ నుంచి వచ్చిన అక్రమ వలసదారులు అని అనుమానిస్తున్నారు. బాధితురాలు ఢాకాకు చెందినట్లు అక్కడి పోలీసులు తేల్చారు.
