ఇటీవల కేంద్రం తీసుకొచ్చిన మూడు వ్యవసాయ చట్టాలకు వ్యతిరేకంగా దేశ వ్యాప్తంగా రైతులు ఆందోళన చేపట్టారు. ఢిల్లీ సరిహద్దుల్లో గత 12 రోజులుగా ఈ ఆందోళన సాగుతోంది. ఈ చట్టాలను రద్దు చేసేంతవరకు తమ ఆందోళనను విరమించబోమని రైతు సంఘాలు తేల్చి చెప్పాయి. పైగా, మంగళవారం భారత్ బంద్‌కు పిలుపునిచ్చాయి.
గత శ‌తాబ్దంలో మంచిగా అనిపించిన చట్టాలు.. ఇప్పుడు భారంగా మారాయని, సంస్కరణలు నిరంతర ప్రక్రియ అని ఆయ‌న అన్నారు. తమ ప్ర‌భుత్వ సంపూర్ణంగా సంస్కరణలు చేప‌డుతోంద‌ని, గ‌తంలో కొన్ని రంగాలు, శాఖ‌ల వారీగానే సంస్కరణలు జ‌రిగేవ‌ని మోడీ చెప్పారు.
మంగళవారం భారత్ బంద్‌కు రైతు సంఘాలు పిలుపునిచ్చిన నేప‌థ్యంలో వాళ్లు తీవ్రంగా వ్య‌తిరేకిస్తున్న కొత్త వ్యవసాయ చట్టాలను మోడీ స‌మ‌ర్థించుకోవ‌డం గ‌మ‌నార్హం. ఇప్ప‌టికే రైతులు, ప్ర‌భుత్వం మ‌ధ్య ఐదు విడ‌త‌లుగా చ‌ర్చ‌లు జ‌రిగినా.. ఫ‌లితం లేకుండా పోయింది.
