దేశంలో ముక్కు ద్వారా వేసే కరోనా చుక్కల మందు (నాసల్ కరోనా వ్యాక్సిన్)కు కేంద్రం అనుమతి ఇచ్చింది. దీన్ని కోవిన్ యాప్‌లో చేర్చనున్నట్టు కేంద్ర ఆరోగ్య శాఖామంత్రి మాన్సుక్ మాండవీయ వెల్లడించారు. పైగా, దీన్ని బూస్టర్ డోస్‌గా కూడా తీసుకోవచ్చని తెలిపారు.
కాగా, కరోనా మొదటి, రెండు డోసులు తీసుకున్న వారు బూస్టర్ డోసులకు అర్హులు. అందువల్ల బూస్టర్ డోస్ వేయించుకోదలచిన వారు ఈ నాసల్ కోవిడ్ వ్యాక్సిన్‌ను తీసుకోవచ్చు. అయితే, దీని ధరను ప్రకటించాల్సివుంది.
ప్రస్తుతం మన దేశంలో కరోనాకు కోవాగ్జిన్, కోవిషీల్డ్, కోవోవ్యాక్స్, స్పుత్నిక్ వి, బయోలాజికల్ ఈ కార్బోవ్యాక్స్‌లు అందుబాటులో ఉన్న విషయం తెల్సిందే.
