దేశంలో ఉన్న అక్రమ విదేశీయుల లెక్కలు తేల్చాలంటే తక్షణం జాతీయ జనాభా పట్టికను చేపట్టాలని తమిళ సూపర్ స్టార్ రజినీకాంత్ అన్నారు. పైగా, జాతీయ పౌరసత్వ సవరణ చట్టం (సీఏఏ) వల్ల దేశంలోని ఏ ఒక్క ముస్లింకు నష్టం జరగదన్నారు. ఒక వేళ్ళ ఏదైనా నష్టం జరిగితే వారి తరపున పోరాడేందుకు తానే మొదటి వ్యక్తిని అవుతానని చెప్పారు.
దేశవ్యాప్తంగా ఆందోళ‌న‌కు దారితీస్తున్న పౌరసత్వ సవరణ చ‌ట్టంపై ఆయన స్పందిస్తూ, పౌరసత్వ సవరణ చ‌ట్టంతో ఎవ‌రికీ ఇబ్బంది ఉండ‌ద‌న్నారు. దేశ పౌరుల‌పై సీఏఏ ప్ర‌భావం ప‌డ‌ద‌ని ఆయన స్పష్టం చేశారు. ఒక‌వేళ సీఏఏ వల్ల ముస్లింల‌కు నష్టం జరిగితే, వారి తరపున పోరాడేందుకు తానే మొదటి వ్యక్తిని అవుతాన‌న్నారు.
