వెస్ట్ బెంగాల్ రాష్ట్రంలో కూడా కరోనా కేసులు విపరీతంగా పెరిగిపోతున్నాయి. దీంతో కరోనా ఉధృతికి అడ్డుకట్ట వేసేందుకు ఆ రాష్ట్ర ప్రభుత్వం చర్యలు చేపట్టసాగింది. రాష్ట్రంలో సంపూర్ణ లాక్డౌన్ విధించింది. ఆదివారం ఉద‌యం ఆరు గంట‌ల నుంచి ఆంక్ష‌లు అమ‌ల్లోకి వ‌చ్చాయి. ఆంక్ష‌లు ఈ నెల 30వ తేదీ సాయంత్రం ఆరు గంట‌ల వ‌ర‌కు అమ‌లులో ఉంటాయ‌ని ప్రభుత్వం ప్ర‌క‌టించింది.
సంపూర్ణ లాక్డౌన్ సంద‌ర్భంగా ప‌రిశ్ర‌మ‌లు, మెట్రో స‌ర్వీసులు, అంత‌ర్రాష్ట్ర రైళ్లు, బ‌స్సుల‌ను నిలిపివేశారు. అన్నిర‌కాల స‌మావేశాల‌పై నిషేధాజ్ఞ‌లు అమలు చేస్తున్నది. రాష్ట్రంలోని తేయాకు తోట‌ల్లో 50 శాతం కార్మికులు ప‌నిచేసేలా వెసులుబాటు క‌ల్పించింది.
కాగా, ప‌శ్చిమ‌బెంగాల్‌లో శనివారం 20,846 పాజిటివ్ కేసులు న‌మోద‌య్యాయి. దీంతో మొత్తం కేసులు 10,94,802కు చేరాయి. ఇందులో 1,31,792 కేసులు యాక్టివ్‌గా ఉండ‌గా, 9,50,017 మంది బాధితులు కరోనా నుంచి కోలుకున్నారు. మ‌రో 12,993 మంది మృతిచెందారు.
