వివరాల్లోకి వెళితే.. తమిళనాడులోని విల్లుపురం జిల్లా కోవిల్‌పురాయూర్‌ గ్రామానికి చెందిన వెంకటేశ్‌ దివ్యాంగుడు. కొన్ని రోజుల క్రితం తన భార్య చనిపోయింది. అతడికి ఇద్దరు కుమార్తెలు ఉన్నారు. ముగ్గురు కలిసి ఒకే దగ్గర ఉంటున్నారు. వెంకటేశ్‌ పెద్ద కుమార్తె చెన్నైలోని వస్త్ర దుకాణంలో పనిచేస్తుండగా చిన్న కుమార్తె ఇంటి వద్దే ఉంటూ పదకొండో తరగతి చదువుతోంది. ఇక్కడ స్థానిక సంస్థల ఎన్నికలకు నోటిఫికేషన్ విడుదల అయింది.
వెంకటేశ్‌ రెండో కుమార్తె తండ్రిని హత్య చేసిందని అనంతరం దర్యాప్తులో గుర్తించారు. దీంతో పోలీసులు ఆమెను అదుపులోకి తీసుకున్నారు. తండ్రి తనపై అత్యాచారం చేయబోయాడని, తన ఆత్మరక్షణ కోసమే అతడిని చంపేశానంటూ ఆమె చెప్పింది.
ఈ వివరాలను డీఎస్పీ ఇళంగోవన్‌ వెల్లడించారు. ఆమెను అరెస్టు చేసిన పోలీసులు వైద్య పరీక్షల నిమిత్తం ఆసుపత్రికి తీసుకెళ్లారు. ఆత్మరక్షణ కోసమే ఆమె హత్య చేసిందని, తక్షణమే విడుదల చేయాలని విల్లుపురం జిల్లా ఎస్పీ శ్రీనాథ ఆదేశించారు.
