హెలికాఫ్టర్‌లో నవజాత ఆడ శిశువును తీసుకొచ్చిన తండ్రి (వీడియో)

ఆడశిశువులను గర్భంలోనే వుండగానే  గర్భస్రావం చేసే కథలు వినేవుంటాం. ఆడశిశువులంటేనే అదేదో భారంగా చూసే వారు ఈ సమాజంలో చాలామంది వున్నారు. కానీ పూణేకు చెందిన ఓ కుటుంబం నవజాత ఆడబిడ్డను హెలికాప్టర్‌లో తీసుకొచ్చి గ్రాండ్ వెల్‌కమ్ ఇచ్చింది. షెల్గావ్, పూణేలో ఈ అరుదైన ఘటన చోటుచేసుకుంది. 

ఆడశిశువు పుట్టిందని ఆ బిడ్డను లెక్కచేయకుండా వుండే చాలామందిలో ఈ కుటుంబం మాత్రం భిన్నంగా వ్యవహరించింది. తమ కుటుంబంలో పుట్టిన ఆ ఆడశిశువు తమకు స్పెషల్ అంది. అంతేగాకుండా ఆ పాపకు గ్రాండ్ హోమ్ కమింగ్ ట్యాగ్‌తో హెలికాఫ్టర్‌లో ఇంటికి తీసుకొచ్చింది. 

"మా మొత్తం కుటుంబంలో మాకు ఆడపిల్ల లేదు. కాబట్టి, మా కుమార్తె ఇంటికి రావడం మాకు విశేషం. ఆమె రాకను ప్రత్యేకం చేయడానికి, మేము లక్ష రూపాయల విలువైన చాపర్ రైడ్ ఏర్పాటు చేసాం" అంటూ ఆ శిశువు తండ్రి విశాల్ జరేకర్ చెప్పారు. ప్రస్తుతం ఆ నవజాత ఆడశిశువు హెలికాఫ్టర్‌లో రైడ్ రావడం సోషల్ మీడియాలో వైరల్ అయ్యింది. ఈ వీడియో మీ కోసం.. 

#WATCH Shelgaon, Pune | Grand Homecoming ! A family brought their newborn girlchild in a chopper

We didn't have a girlchild in our entire family. So, to make our daughter's homecoming special, we arranged a chopper ride worth Rs 1 lakh:Vishal Zarekar,father

(Source: Family) pic.twitter.com/tA4BoGuRbv

— ANI (@ANI) April 5, 2022