వారి ప‌రిశోధ‌న‌కు సంబంధించిన ఆస‌క్తిక‌ర‌మైన విష‌యాల‌ను వెల్ల‌డించారు. ఆవిరి పట్టడం వల్ల ఎలాంటి వ్యాధి లక్షణాలు లేని పాజిటివ్ వ్యక్తులు ఏడు రోజుల్లో, లక్షణాలున్న వారు ఏడు నుంచి 10 రోజుల్లో కోలుకున్న‌ట్లు త‌మ అధ్య‌య‌నంలో తేలింద‌ని పేర్కొన్నారు. డాక్టర్ దిలీప్ పవార్ ఆధ్వర్యంలో మే, జూన్ నెలల్లో కరోనా సోకిన వారిపై ఈ అధ్య‌య‌నం చేశారు.
ఆవిరిలో 70 నుంచి 80 డిగ్రీల ఉష్ణోగ్ర‌త ఉంటుందని, దీనివల్ల ఊపిరితిత్తుల్లో భారం తగ్గుతుందని, 50 నుంచి 60 డిగ్రీల ఉష్ణోగ్ర‌త తగలగానే వైరస్ చనిపోతుంద‌ని వైద్య నిపుణులు వెల్ల‌డించారు. సాధారణ, మధ్యస్థ, లక్షణాలున్న వారు, వైరస్ సోకి ఎలాంటి లక్షణాలు లేని వ్యక్తులను రెండు బృందాలుగా విభజించి అధ్య‌య‌నం చేశారు.
ఇలా 14 రోజుల నుంచి 2 నెలల పాటు పరిశీలిస్తే వీరిలో ఎలాంటి కరోనా లక్షణాలు లేవని, రెండు గ్రూపుల్లో ఉన్నవారిని పరిశీలిస్తే..స్వల్ప లక్షణాలున్న వారు 7 రోజుల్లో కోలుకుంటే.. మధ్యస్థ లక్షణాలున్న వారు 7 నుంచి 10 రోజుల్లో కోలుకున్నారని వైద్య నిపుణులు తెలిపారు. శ్వాస సంబంధిత స‌మ‌స్య‌ల ప‌రిష్కారానికి ఆవిరి పట్టడం దోహ‌ద‌ప‌డుతుంద‌ని వైద్యులు వెల్లడిస్తున్నారు.
