భారతీయ జనతా పార్టీ సారథ్యంలోని ఎన్డీయే కూటమికి కాంగ్రెస్ నేత రాహుల్ గాంధీ కొత్త నిర్వచనం చెప్పారు. ఎన్డీయే అంటే నేషనల్ డెమొక్రటిక్ అలయెన్స్ కాదనీ, ఎన్డీయే అంటే నో డేటా అవైలబుల్ అని ఎద్దేవా చేశారు. ఈ మేరకు ఆయన శనివారం ఓ ట్వీట్ చేశారు.
కొవిడ్‌ లాక్డౌన్‌ సమయంలో నడకదారిన వెళ్లిన చాలా మంది మరణించారు. దీనిపై కేంద్రం అప్పట్లో తమ వద్ద అలాంటి డేటా ఏదీ లేదని పేర్కొంది. రెండో వేవ్‌ సందర్భంగా ఆక్సిజన్‌ కొరతతో అనేక మంది ప్రాణాలు కోల్పోయినప్పుడు కూడా ఎవరూ తమ వద్ద ఆ డేటా లేదని కేంద్రం సమాధానం ఇచ్చింది. ఇలా పలు సందర్భాల్లో కేంద్రం తమ వద్ద డేటా లేదని సమాధానం ఇవ్వడంపై రాహుల్ ఈ విధంగా స్పందించారు.
