నిజంగా కొంతమంది యువత చేస్తున్న వ్యాఖ్యలు దేశ ఆర్మీని కించపరిచేలా ఉన్నాయి. అత్యంత ధైర్యసాహాలతో.. తమ ప్రాణాలను ఫణంగా పెట్టి శత్రువులతో భారత సైన్యం నిరంతరం పోరాడుతోంది. కానీ, యువత మాత్రం.. వారి ధైర్యసాహసాలను ప్రశంసిక పోయినా ఫర్వాలేదు గానీ, వారు చేసే యుద్ధ సాహసాలను కించపరిచేలా మాట్లాడకుండా ఉంటే చాలు. దీనికి నిదర్శనమే సర్జికల్ దాడులపై పలువురు యువత చేసిన వ్యాఖ్యలు.
సర్జికల్ స్ట్రైక్స్. దేశ సైనికులు అత్యంత సాహసంతో చేసిన లక్ష్యిత దాడులు. యురీ ఉగ్రదాడికి ప్రతీకారంగా మన సైనికులు సర్జికల్ స్ట్రైక్స్‌తో ధీటుగా బదులిచ్చారు. ఈ అంశం అనేక అవకాశవాద రాజకీయాలకు వేదికగా కూడా మారింది. అయితే ఇంత జరుగుతున్నా సర్జికల్ స్ట్రైక్స్ అనే పదానికి అర్థం తెలియని యువత ఉందంటే నమ్ముతారా.? కానీ ఇక్కడ నమ్మితీరాల్సిందే.
ఎందుకంటే మన దేశానికి చెందిన కొందరు యువత అంత గొప్పగా కరెంట్ ఎఫైర్స్‌ (జనరల్ నాలెడ్జ్)ను ఫాలో అవుతున్నారు మరి. ఇది నిజంగా సిగ్గుపడాల్సిన విషయం. సర్జికల్ స్ట్రైక్స్ అంటే తమకు తెలియదని, బర్గర్లు, పిజ్జాలు అంటే మాత్రం తమకు తెలుసని చెప్పుకొచ్చారు. ఇలా చెప్పినవారు నిరక్షరాస్యులయితే ఏమోలే అనుకోవచ్చు కానీ విద్యావంతులు, ఉద్యోగులకు కూడా తెలియదంటే ఇంకేమనాలి. సైనికులు మన కోసం అత్యంత ధైర్య సాహసాలతో చేసిన ఈ సర్జికల్ దాడుల గురించి తెలియని వారు ఎంత మంది ఉన్నారో ఈ వీడియో చూస్తే మీకే తెలుస్తోంది. ఇంకెందుకు ఆలస్యం ఓ లుక్కేయండి.
