కేరళకు చెందిన నటి రజిని చాందీ ఇంట్లో గత కొన్నేళ్లుగా అస్సోం రాష్ట్రానికి చెందిన ఆల్బర్ట్ టిగా అనే వ్యక్తి పని చేస్తున్నాడు. ఈయన రాత్రికి రాత్రి కోటీశ్వరుడు అయ్యాడు. అదెలాగో ఓసారి తెలుసుకుందాం. కేరళ రాష్ట్ర ప్రభుత్వం అధికారికంగానే లాటరీ టిక్కెట్లను విక్రయిస్తుంది. వీటిని కొనుగోలు చేసే సామాన్య ప్రజలకు లక్కీడిప్ తగలుతుంది. దీంతో వారు రాత్రికి రాత్రే కోటీశ్వరులై పోతున్నారు. తాజాగా ఆల్బర్ట్ టిగా కూడా రాత్రికిరాత్రి కోటీశ్వరుడు అయ్యాడు.
ఇటీవల ఆయనకు కేరళ లాటరీ విభాగం సమ్మర్ బంపర్ ఆఫర్ బీఆర్ 90 లాటరీ టిక్కెట్లను విక్రయించింది. ఈ టిక్కెట్‌ను కొనుగోలు చేసిన టిగాకు ఒక్కసారిగా పది కోట్ల రూపాయలకు బంఫర్ లాటరీ తగిలింది. దీంతో అతని ఆనందానికి అవధుల్లేకుండా పోయింది. వెంటనే లాటరీ సొమ్మును క్లైం చేసుకుని ఆ టిక్కెట్‌ను కొచ్చిన్‌‍లోని భారతీయ స్టేట్ బ్యాంకుకు ఇచ్చాడు. ఎస్.బి.ఐ క్యాథలిక్ సెంటర్ శాఖలో మేనేజర్ గీవర్గీస్ పీటల్ ఆ సొమ్మును టిగాకు అందజేశాడు. ఎర్నాకులంకు చెందిన లాటరీ ఏజెంట్ ఎమ్డీ జాన్ ఈ టిక్కెట్‌ను విక్రయించాడు.
