తాజాగా వెలుగులోకి వచ్చిన ఈ వివరాలను పరిశీలిస్తే, యూపీలోని షాజన్‌పూర్ ప్రాంతానికి చెందిన 16 యేళ్ల బాలుడు చిన్నవయసు నుంచి మానసిక వికలాంగుడుగా ఉన్నాడు. ఈ నెల 26వ తేదీన తమ ఏరియాకు చెందిన కొంతమంది పిల్లలతో కలిసి ఆడుకుంటున్నాడు. ఆ సమయంలో మిగిలిన యువకులతో చిన్నవాటి వాగ్వాదం జరిగింది. దీంతో ఆగ్రహించిన మిగిలిన పిల్లలు ఆ మానసిక బాలుడుపై దాడి చేసి గాయపరిచారు.
ఆ తర్వాత ఇటుకను తాడుకు కట్టి దాన్ని అతని అంగాన్ని కట్టారు. పిమ్మట వీడియో తీసి సోషల్ మీడియాలో షేర్ చేశారు. ఈ విషయం తెలుసుకున్న ఆ బాలుడు తల్లిదండ్రులు, బంధువులు పోలీసులకు ఫిర్యాదు చేసేందుకు స్టేషన్‌కు వెళ్లేందుకు ప్రయత్నించగా, వారిపై కూడా దాడి చేశారు. ఈ విషయం పోలీసులకు చేరడంతో ఘటనా స్థలానికి వచ్చిన పోలీసులు.. కేసు నమోదు చేసి అల్లరి మూకను అరెస్టు చేశారు. ఈ సంఘటన స్థానికంగా కలకలంరేపింది.
