పీసీసీ ప‌ద‌వికి రాజీనామాపై ఆయ‌న బుధవారం స్పందిస్తూ ప్ర‌జ‌ల‌కు మంచి చేయాల‌న్నదే తన ఉద్దేశ‌మ‌న్నారు. ఇందుకోసం ఎంతటి ఉన్నత పదవినైనా వదులుకుంటానని చెప్పారు. పైగా, తనకు ఎవ‌రితోనూ వ్య‌క్తిగ‌తంగా వైరం లేద‌న్నారు. తాను ప్ర‌జ‌ల జీవితాల‌ను మార్చేందుకే రాజ‌కీయాల్లోకి వ‌చ్చానని, తన సిద్ధాంతాల‌పై రాజీప‌డ‌బోన‌ని సిద్ధూ ప్ర‌క‌టించారు.
ఇదిలావుంటే, పంజాబ్ రాష్ట్ర అసెంబ్లీకి వచ్చే యేడాది ఎన్నికలు జరుగనున్నాయి. ఈ నేప‌థ్యంలో పార్టీలో చోటుచేసుకుంటోన్న ప‌రిణామాలు ఆస‌క్తికరంగా మారాయి. మరోపక్క, పంజాబ్ కాంగ్రెస్ నేత‌ల‌తో చ‌ర్చించేందుకు త్వ‌ర‌లోనే ఆ పార్టీ అగ్ర‌నేత రాహుల్ గాంధీ ఆ రాష్ట్రానికి వెళ్ల‌నున్నారు.
