అయితే కొన్ని కారణాల వల్ల రాకెట్ లాంచ్ వాయిదా వేస్తున్నట్లు ఇవాళ తెలిపింది. నవంబరు 27న ఉదయం 9:28 గంటలకు రాకెట్ ప్రయోగించబోతున్నామని ప్రకటించింది. ఏపీలోని శ్రీ పొట్టి శ్రీరాములు నెల్లూరు జిల్లా శ్రీహరికోటలోని రాకెట్ స్టేషన్‌లోని రెండో లాంచ్ ప్యాడ్ నుంచి పీఎస్ ఎల్వీ సీ47 రాకెట్ నింగిలోకి దూసుకెళ్లనుంది.
రాకెట్ లాంచింగ్ నేరుగా చూడొచ్చు
కార్టోశాట్ ప్రయోగాన్ని నేరుగా చూడాలనుకునే వాళ్లకు ఇస్రో ప్రత్యేకమైన అవకాశం కల్పిస్తోంది. శ్రీహరికోట రాకెట్ స్టేషన్‌లోని లాంచ్ వ్యూ గ్యాలరీలో కూర్చుని ప్రయోగం చూడొచ్చు.
ఆసక్తి ఉన్నవాళ్లు ఇస్రో సైట్‌లో రిజిస్టర్ చేసుకోవచ్చు. సాధారణంగా శ్రీహరికోట రాకెట్ కేంద్రానికి వెళ్లడం మామూలు ప్రజలకు అంత ఈజీ పని కాదు. ఇస్రో ఇచ్చిన ఈ అవకాశంతో అంతరిక్ష ప్రయోగాలపై ఆసక్తి ఉన్న సామాన్యులు నేరుగా అక్కడికి వెళ్లే చాన్స్ దొరుకుతోంది. నవంబరు 20 నుంచి రిజిస్ట్రేషన్‌కు అవకాశం కల్పించింది ఇస్రో.
