పంజాబ్ ముఖ్యమంత్రి భగవంత్ మాన్ సింగ్ (48) వివాహం గురువారం జరుగనుంది. ఆయన వివాహం 32 యేళ్ల డాక్టర్ గురుప్రీత్ కౌర్‌తో చండీగఢ్‌లో జరుగుతుంది. నిజానికి ఈయనకు గతంలో వివాహం జరిగింది. ఇద్దరు పిల్లలు ఉన్నారు. ఆరేళ్ళ క్రితం ఆమెకు విడాకులు ఇచ్చారు. ప్రస్తుతం వీరంతా అమెరికాలో ఉంటున్నారు. ఈ నేపథ్యంలో ఆయన ఇపుడు డాక్టర్ గురుప్రీత్ సింగ్‌ను పెళ్లాడనున్నారు.
చండీగఢ్‌ సెక్టార్‌ 8లోని ఓ గురుద్వారాలో అత్యంత నిరాడంబరంగా, అతికొద్దిమంది కుటుంబసభ్యుల సమక్షంలో ఈ కార్యక్రమం జరగనుంది. ఢిల్లీ ముఖ్యమంత్రి, ఆప్‌ సమన్వయకర్త అరవింద్‌ కేజ్రీవాల్‌ అతిథిగా హాజరు కానున్నారు. మార్చి 16న పంజాబ్ ముఖ్యమంత్రిగా భగవంత్ మాన్ ప్రమాణస్వీకారం చేసినపుడు ఆ వేడుకకు పిల్లలు సీరత్‌ (21), దిల్షాన్‌ (17) ఇద్దరూ హాజరయ్యారు.
