కొన్ని సెకన్లు మాత్రమే ప్రకంపనలు ఉన్నప్పటికీ, వాటి తీవ్రత నివాసితులను కలవరపెట్టేంతగా ఉంది. దీనితో ముందు జాగ్రత్త చర్యగా చాలా మంది తమ ఇళ్ల నుండి బయటకు పరుగులు తీశారు. భూకంపం విస్తృత భయాందోళనలకు గురిచేసినప్పటికీ, ప్రాణనష్టం లేదా ఆస్తి నష్టం జరిగినట్లు తక్షణ నివేదికలు లేవు.
ఇది ఢిల్లీ, నోయిడా, ఇందిరాపురం, జాతీయ రాజధాని ప్రాంతం (ఎన్‌సిఆర్)లోని ఇతర ప్రాంతాలను ప్రభావితం చేసింది. సోషల్ మీడియా ఎక్స్‌లో ఢిల్లీ భూకంపంపై వివరాలు వైరల్ అవుతున్నాయి.
ఈ ఘటనపై ఢిల్లీ మాజీ ముఖ్యమంత్రి అతిషి మాట్లాడుతూ, "ఢిల్లీలో ఇప్పుడే బలమైన భూకంపం సంభవించింది. అందరూ సురక్షితంగా ఉండాలని నేను దేవుడిని ప్రార్థిస్తున్నాను" అని అన్నారు. అదేవిధంగా, ఆప్ జాతీయ కన్వీనర్ అరవింద్ కేజ్రీవాల్ "అందరి భద్రత కోసం నేను ప్రార్థిస్తున్నాను" అంటూ చెప్పుకొచ్చారు.
