త‌మిళ‌నాడులో అసెంబ్లీ ఎన్నిక‌ల పోలింగ్ ప్ర‌శాంతంగా కొన‌సాగుతున్న‌ది. అక్క‌డ ఈ ఉదయం 9 గంట‌ల వ‌ర‌కు 13.80 శాతం ఓట్లు పోల‌య్యాయి. సాధార‌ణ ప్ర‌జ‌ల‌తోపాటు ప‌లువురు రాజ‌కీయ, సినీరంగ ప్ర‌ముఖులు త‌మ ఓటు హ‌క్కు వినియోగించుకుంటున్నారు. తాజాగా తమిళనాడు డిప్యూటీ సీఎం ఓ ప‌న్నీర్ సెల్వం పెరియాకులంలో ఓటువేశారు.
త‌మిళ‌నాడులో 234 నియోజ‌క‌వ‌ర్గాల‌కు ఒకే ద‌శ‌లో ఎన్నికలు జ‌రుగుతున్నాయి. ఈ ఎన్నిక‌ల్లో 3,998 మంది అభ్య‌ర్థులు బ‌రిలో ఉన్నారు. తమిళనాడు వ్యాప్తంగా 88,937 పోలింగ్ కేంద్రాల‌ను ఏర్పాటు చేశారు. అసెంబ్లీ ఎన్నిక‌ల నేప‌థ్యంలో 1.58 ల‌క్ష‌ల మంది పోలీసులు బందోబ‌స్తులో ఉన్నారు.
