వివరాల్లోకి వెళితే.. కర్ణాటకలో బీదర్‌కు చెందిన జీవన్‌ అంబటె (33) బెంగళూరులోని మహదేవపురా.. లక్ష్మీనగర్‌ లేఅవుట్‌లో నివాసం ఉంటున్నాడు. మెకానికల్‌ ఇంజనీరింగ్‌ చేసిన అతడు.. అమెజాన్‌ కంపెనీలో టీం లీడర్‌గా ఉద్యోగం చేస్తున్నాడు. కానీ ఇటీవల కాలంలో అతనికి జీవితంపై విరక్తి పుట్టింది. ఏమీ సాధించలేనని తరచూ బాధపడేవాడు. అనంతరం డిప్రెషన్‌కు లోనయి హౌ టు డై అని యూట్యూబ్‌లో సెర్చ్ చేయసాగాడు.
మూడురోజుల తర్వాత అతని స్నేహితులు గదికి వచ్చి చూడగా అతడు విగత జీవిగా మరణించి కనిపించాడు. ఈ విషయాన్ని మృతుడి స్నేహితులు మహదేవపుర పోలీసు స్టేషన్‌కు తెలియజేయడంతో.. కేసు నమోదు చేసుకున్న పోలీసులు దర్యాప్తు మొదలెట్టారు. ఇంకా జీవితంలో ఎన్నో సాధించాలని కలలు కన్నానని, కానీ అవన్నీ నేరవేదని సూసైడ్ లేఖలో వాపోయాడు. తానో యంత్రంలా మారిపోయానని, ఈ జీవితం తనకు నచ్చలేదని ఆ నోట్‌లో జీవన్‌ తెలిపాడు.
