వివాహాల్లో విందు అంటేనే చాలామంది ఆత్రుతగా టేస్ట్ చేస్తారు. వెజ్ వంటకాలకే ఎగబడే వారు ఎక్కువమంది వున్నారు. అదే బిర్యానీ విందు అయితే ఇంకేమైనా వుందా? అవును మరి.. చికెన్ బిర్యానీ అంటే లెగ్ పీస్ కోసం ఎదురుచూసే వారు చాలామందే. అలా చికెన్ బిర్యానీలో లెగ్ పీస్ కోసం ఓ వివాహ వేడుకలో కొట్లాట చోటుచేసుకుంది. ఈ ఘటనకు సంబంధించిన వీడియో సోషల్ మీడియాలో చక్కర్లు కొడుతోంది.
పెళ్లిలో వడ్డించిన చికెన్ బిర్యానీలో లెగ్ పీస్‌లు లేవని వరుడి వైపు నుంచి వచ్చిన అతిథులు గమనించడంతో గందరగోళం మొదలైంది. ఈ ఈవెంట్ నుండి వైరల్ ఫుటేజీలో అతిథులు ఒకరిపై ఒకరు తన్నడం, కొట్టుకోవడం, కుర్చీలు విసరడం వంటివి చూపుతున్నాయి. వరుడు కూడా గందరగోళంలో చిక్కుకున్నాడు.
